Chancada 2015 : que s’i tornam !

Adishatz a tots ! La Chancada que s’i torna tà ua dusau edicion, au mes d’aost de 2015. Mercés au sostien e a la generositat deus sons òstes e partenaris numerós, los chancaires qu’an l’estrambòrd e lo corau tà tornar partir : 280 quilomètres entà deféner la lenga nosta, a la descobèrta deu territòri gascon, a l’encontre deus qui hèn aqueth territòri viu.

Afica chancada 2015

De Baiona tiò Marmanda

Aquera dusau passejada capvath Gasconha que juntarà mar grana e Garona, de Baiona entiò Marmanda : passant peu Baish Ador, l’oest deu Biarn, Shalòssa, lo país morcenés, la lana grana, las lanas girondinas, lo Vasadés, lo Marmandés. Au briu deu percors, los chancaires e ciclistas que seran arcuelhuts peus actors locaus partenaris, municipalitats e associacions actius peu territòri, en ligam dab la cultura e la lenga nostas.

280 qm, 12 estancs, deu 13 au 24 d’aost

Que’vs balham rendetz-vos suu camin entaus pica-nhacas e seradas-estancs : concèrts, bals, conferéncias, aperòs en musica, iniciacion a las chancas, contes, projeccions de filmes… eca. A viéner lèu lo programa e l’itinerari d’aquera edicion 2015 ! Siitz los planvienuts en la passejada a chancas o a bicicleta !

A bèthlèu suus camins de la Chancada !

Chancada 24.08.14_Arribada Sanguinet

24/08/2014 – arribada a Sanguinet, arcuelh peu Vent de l’Estey

FacebookTwitterGoogle+EmailTumblr

ESCALAS GASCONAS

La Chancada qu’es convidada a las Escalas Gasconas, encontre organizadas peu Conselh Generau de las Lanas, qui aurà per tèma las praticas hertius de las Lanas.

La taula redonda titolada « Hami d’aviéner : espòrt, identitat, marketing culturau » de 14h a 15h30 que convidarà tanben : Nicolas Vergonzeanne, Jean-Luc Lagrave per Adishatz, Joan-Briçi Branà de l’InÒc Aquitànial’Inspecteur Cluzo dab Mathieu Jourdain e Laurent Lacrouts, e los amics chancaires de la Federacion deus Grops Folclorics Lanusquets. 

Lo ser, concèrt de Xarnege !

Rendetz-vos doman a la sala Rex de Rion, a partir de 2 òras deu vrespe.

Tiò doman ! Potons !

FacebookTwitterGoogle+EmailTumblr

Sostenetz lo projècte Chancada de 2014

Entà aventurà’s peu territòri gascon pendent dètz dias, Faní, Carò, Mauriçòt e Denís e tots los chancaires-bicicletaires que’us van seguir, qu’an besonh de la vòsta ajuda ! La Chancada que’s lança lo projècte ulule, site internet de crowfunding (finançament participatiu), tà amassar sòus auprès deus internautes.

« E hèm ua massa ? »

Aqueth budget a amassar qu’ei lo pòt comun tà tots los qui participan a aquera purmèra Chancada. Que correspon a las despensas servideras tà la preparacion de la virada (bricolatge de chancas, comunicacion, mapas IGN, eca.) e tau son debanament (crèma solara e biafina, pan, cafè, fruts, torna deus despens quilometrics taus musicaires e tecnicians benevòles qui van viéner balhar la man a las seradas-estancs, eca.)

Las contrapartidas

En escambi de las contribucions vòstas (a comptar de 10 €), los Chancaires que’vs perpausan contrapartidas de las originaus : convit a l’aperitiu-repaish tà l’arribada a Bordèu, seleccion de las fòtos e vidèos mei bonas de la virada en hauta qualitat, quessòts deu noste partenari Adishatz edicion limitada Chancada 2014, chancas miniaturas decò hèitas a la man, entradas tau hestenau deu Primtemps de l’Arribèra… e ua quita iniciacion personalizada a las chancas (dab LA par de chancas) !

Rendetz-vos sus la pagina ulule de la Chancada > http://fr.ulule.com/la-chancada/

Chancada visuel WEB

Mercimercimerci ! PotonsPotonsPotons !logo_ulule

FacebookTwitterGoogle+EmailTumblr

Hartèra a Bocau Vielh

Tres estructuras partenarias de la Chancada que passan en cosina, tau hestau Nas de Guit aqueth cap de setmana. Que son tres associacions de pairs d’escolans de classas bilingüas occitan-francés : las Hontinas de Morcens, l’Esquiròt de Sent Martin de Senhans, e Òc-Bi Aquitània. Aqueths pairs e mairs d’escolans que ns’arcuelheràn suu camin chancadèr. Passatz donc a Bocau Vielh saludà’us, aqueste dissabte lo 5 de julhet, e grasitz d’un bon repaish gascon en tot sosténer la lor accion.

Tota la programacion de Nas de Guit

10506628_10202193168017109_6656024091885155308_o

FacebookTwitterGoogle+EmailTumblr