Archives pour la catégorie Non classé

La Chancada 2015 qu’ei acabada ! Mercés a tots !

Adishatz a tots ! La Chancada n°2 qu’ei plan arribada a Marmanda ! Tout bientôt, les récits de chaque étape à retrouver dans la catégorie itinéraire. On trie les photos, on défait les valises, on lance quelques lessives… Et on revient très bientôt vous raconter tout ça, promis !!

Mercés a totas las associacions, a tots los artistas musicaires, aus maires e conselhèrs municipaus, aus amics, au public e aus chancaires de ns’aver seguits e d’aver participats entà qu’aquera dusau Chancada e sii autan bròia coma la permèra.

Que’vs balham rendetz-vos en 2017, lo temps de tornar trobar d’autes amics chancaires e partenaris, de dessenhar un navèth itinerari, dab tostemps mei de hami e d’estrambòrd entà deféner la lenga nosta. A bèthlèu preus camins de la Chancada !

IMG_0106L’equipa de la Chancada

FacebookTwitterGoogle+EmailTumblr

LAS SERADAS-ESTANCS

Arretrobatz los artistas de la Chancada de 2015 suu camin a las seradas-estancs : Xarnege + Latis Bordus + Monacas + Isabelle Loubère + Joan Francés Tisnèr + Piget films + Bénédicte Fénié + Pass’Aires + Cocanha + Lo Silenci de la Flor + Dus… e d’autes ! Tot lo programa deus estancs qu’ei detalhat en la categoria « itinerari 2015″ e lo son menut.

Afica chancada 2015Uelhada sus las seradas-estancs :

13 aoûtDijaus lo 13 d’aost : Baiona

11h-16h : vrespada joen public, plaça deus gascons, seguida deu passa-carrèra
19h30 : concèrt de XARNEGE a la Arènas de Baiona

14 aoûtDivés lo 14 d’aost : Urt

17h : projeccon « Vira e memòria deu Baish Ador »
19h : aperitiu-cantèra au pòrt, seguit deu repaish d’obertura de la hèsta

15 aoûtDissabte lo 15 d’aost : Salias de Biarn

18h : Seguici de la Pipéradèra, seguit de la Serada deus cantaires au jardin public

16 aoûtDimenge lo 16 d’aost : Monthòrt de Shalòssa

20h30 : concèrts-bals devath la hala dab MONACAS & LATIS BORDUS

17 aoûtDiluns lo 17 d’aost : Arjusan

19h : contes, films e paisatges sonòrs a la Reserva d’Arjusan – dab Isabelle Loubère, Joan Francés Tisnèr & Piget

18 aoûtDimars lo 18 d’aost : Sabres, ecomusèu de Marquèza

15h : vrespada iniciacion a las chancas e cantèra a l’estanquet

19 aoûtDimèrcs lo 19 d’aost : Pissòs

17h : conferénica toponimica per Bénédicte Fénié au Cèrcle de l’Union de Pissòs
A comptar de 18h : aperitiu, repaish deu club de Tenis e concèrt-bal dab PASS’AIRES

20 aoûtDijaus lo 20 d’aost : Belin-Beliet

18h : arribada deus Chancaires a Joé, encontres contats dab Eliette Dupouy

Bal dab RASIC DE NAU (trio Ibarrart) & projeccion de films

21 aoûtDivés lo 20 d’aost : Sent Sefrian

19h : aperò-bal dab COCANHA au Cèrcle obrèr, seguit deu concors de belòta de la hèsta

22 aoûtDissabte lo 22 d’aost : Vasats

21h : concèrts-bals au Cèrcle deus tribalhadors, dab COCANHA & Lo Silenci de la Flor

23 aoûtDimenge lo 23 d’aost : Cocutmont

17h : aperitiu a la Cava deu Marmandés
19h : Istòrias d’Òc, a la hèsta deu quartièr de Gots, seguit deu repaish e deu bal

24 aoûtDiluns lo 24 d’aost : Marmanda

17h : arribada plaça de la mairetat, iniciacion a las chancas, repaish e buveta
21h : bal sus la plaça dab DUS ! seguit deu buff musicau a dançar

 Flyer Chancada 2015

FacebookTwitterGoogle+EmailTumblr

Chancada 2015 : que s’i tornam !

Adishatz a tots ! La Chancada que s’i torna tà ua dusau edicion, au mes d’aost de 2015. Mercés au sostien e a la generositat deus sons òstes e partenaris numerós, los chancaires qu’an l’estrambòrd e lo corau tà tornar partir : 280 quilomètres entà deféner la lenga nosta, a la descobèrta deu territòri gascon, a l’encontre deus qui hèn aqueth territòri viu.

Afica chancada 2015

De Baiona tiò Marmanda

Aquera dusau passejada capvath Gasconha que juntarà mar grana e Garona, de Baiona entiò Marmanda : passant peu Baish Ador, l’oest deu Biarn, Shalòssa, lo país morcenés, la lana grana, las lanas girondinas, lo Vasadés, lo Marmandés. Au briu deu percors, los chancaires e ciclistas que seran arcuelhuts peus actors locaus partenaris, municipalitats e associacions actius peu territòri, en ligam dab la cultura e la lenga nostas.

280 qm, 12 estancs, deu 13 au 24 d’aost

Que’vs balham rendetz-vos suu camin entaus pica-nhacas e seradas-estancs : concèrts, bals, conferéncias, aperòs en musica, iniciacion a las chancas, contes, projeccions de filmes… eca. A viéner lèu lo programa e l’itinerari d’aquera edicion 2015 ! Siitz los planvienuts en la passejada a chancas o a bicicleta !

A bèthlèu suus camins de la Chancada !

Chancada 24.08.14_Arribada Sanguinet

24/08/2014 – arribada a Sanguinet, arcuelh peu Vent de l’Estey

FacebookTwitterGoogle+EmailTumblr

ESCALAS GASCONAS

La Chancada qu’es convidada a las Escalas Gasconas, encontre organizadas peu Conselh Generau de las Lanas, qui aurà per tèma las praticas hertius de las Lanas.

La taula redonda titolada « Hami d’aviéner : espòrt, identitat, marketing culturau » de 14h a 15h30 que convidarà tanben : Nicolas Vergonzeanne, Jean-Luc Lagrave per Adishatz, Joan-Briçi Branà de l’InÒc Aquitànial’Inspecteur Cluzo dab Mathieu Jourdain e Laurent Lacrouts, e los amics chancaires de la Federacion deus Grops Folclorics Lanusquets. 

Lo ser, concèrt de Xarnege !

Rendetz-vos doman a la sala Rex de Rion, a partir de 2 òras deu vrespe.

Tiò doman ! Potons !

FacebookTwitterGoogle+EmailTumblr