QUI ÈM ?

Lo projècte qu’ei portat per l’associacion Chancaires, a Sent Pèr de Lèren, en l’arribèra. Aus estremaus deus gaves de Pau e d’Auloron, los Chancaires que s’i hèn dempuish shishanta ans tà la transmission de la cultura nosta : danças, cants e chancas taus petits e grans, creacion d’espectacles, escòla de musica, cors de lenga… L’equipa qu’organiza lo Primtemps de l’Arribèra, tot an, au mes d’abriu : hestenau de musicas e danças tradicionaus e creacions qui’n son gessidas.

L’equipa de partença : Faní, Carolina, Mauriçi e Denís

Lo quartet que creisherà a mesura suu camin dab Lolà, Coralia, Coralia, Guilhèm, Auròra, Tatia Jò, Chantal, Matiu… e d’autes de l’Arribèra o d’aulhors. Tots los chancaires e bicicletaires ahuecats que son los planvienuts tà la Chancada. Que sii causa sabuda !


fanny

Faní : dita « la nosta Faní » o « la petita de Larocau »

- 26 ans, de Sendòs, chancaira dempuish juste 20 ans

- Ordidora a Motet + valenta au Primtemps de l’Arribèra : bar, pams, arcuelh

- Aima s’i har a la pelòta, vrespejar en çò de la mairana, recéber los amics a casa. Adora lo camajon, la carnsalada (desbrembatz de tira lo chocolat) e lo panachè plan fresc

- Signe particular : que’s va har seguir la caisha de simbèus e lo permis de pesca, e har petar lo molinet suu camin. 


caro

Carolina : dita « Carò » o « la petita de Bonavia »

- 27 ans, de Sent Pèr de Lèren, chancaira dempuish mei de 20 ans

- Videasta polivalenta + valenta au Primtemps de l’Arribèra : comm, arcuelh

- Aima lo chocolat (pren la part de Faní en generau), pleitejar en occitan dab los ancians, har films dab los amics deu collectiu Dètz, e vrespejar en çò de la Mamia de Faní

- Signe particular : canta tanben en lo triò tolosan Cocanha, enter autes.


maurice

Mauriçi : dit « Mauriçòt » o « Lagorgòvich » o « lo petit de Ramonin »

- 25 ans, d’Escòs, chancaire dempuish 20 ans

- Professor de las escòlas bilingüe occitan-francés + valent au Primtemps de l’Arribèra : pròg, encadrament dia deus mainatges, pilièr de cantèra

- Fòrt bon cantaire, gausa vutz de las hautas e imaginativas en polifonia. Afecciona particularament las brunetas, e las blondas tanben : còr a préner 

- Signe particular : escossés expatriat deu costat d’Òlt e Garona. 


denis

Denís : dit « Pesquit » o « lo Duff »

- 24 ans, de Sent Pèr de Lèren, chancaire dempuish juste 20 ans

- Ingenior sodadura + valent au Primtemps de l’Arribèra : bar, brinks, a la clau deu camion-frigò. 

- Aima lo pastèr, las hèstas de Baiona, los legòs-tecnics, las experimentacions scientificas dab materiaus hauta tecnologia, e tastar restaurants dab la beròja soa. 

- Signe particular : s’i hè au rugbi, mes n’aima pas las pelosas sinteticas. Musiqueja en lo duò Hrairs Dufau, a la canta, la boha e au vriulon.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>